For ein dag!

Nyhende

Me vil takke alle dei 2700 som møtte opp på Stord lufthamn, i tillegg til deltakarar, frivillige, sponsorar, tilsette – kort sagt alle som bidrog til at Stord Airshow 2025 vart ein kjempesuksess! Me er klar over at det til tross for ekstra bussar og frekvens vart utfordringar med transport til og frå fjernparkeringa, og vil spesielt rette ei stor takk til alle som viste tålmodighet sjølv om det vart kø og venting. Filmar og høgdepunkt frå oppvisingane og arrangementet generelt vil bli delt på vår YouTube side i vekene framover, frå og med mandag.

Kan det friste med ein suvenir?

Nyhende

I år kan du for fyrste gong sikra deg ein offisiell suvenir frå Stord Airshow! Byrået på Heiane har levert caps, t-skjorter og patch i anledning årets flystemne. Desse er alle svarte, med kvit/gult trykk. Caps og patch er brodert. Merchandise kan kjøpast i kiosken som du finn i hangaren der DAT flyet er utstilt, lengst inne på området. Begrensa opplag, så ikkje vent for lenge om du vil sikra deg eit minne frå arrangementet.

Ny Piper Cub til statisk utstilling.

Nyhende

Flesland Flystasjon Flyklubb har intensjon om å delta med sin Piper Super Cub på statisk utstilling under Stord Airshow. Flyet har tidlegare tenestegjort i Luftforsvaret og deltok sist på Stord Airshow i 2023. Os Aero Klubb har for øvrig meddelt at dei ikkje lenger har anledning å koma med deira Piper Cub, men det er likevel venta minst to slike fly til utstillinga på laurdag.

Informasjon om Parkering

Nyhende

Kjem du med bil til Stord Airshow? Då ber me deg sette deg inn i informasjonen knytt til parkering under «Praktisk Info» som du finn øvst på sida. Kort fortald blir det parkering på lufthamna, før ein tar i bruk fjernparkering med gratis shuttlebuss. Det er satt inn ekstra bussar i år, men me ber likevel publikum om å vera innstilt på noko venting, spesielt ved slutten på arrangementet. Les meir under «Praktisk Info».

SK60 gjer comeback til flyprogrammet!

Nyhende

Og for eit comeback. Med berre ei veke igjen til Stord Airshow, kjem altså gladmeldinga frå Swedish Air Force Historic Flight om at dei no har intensjon om å sende eit anna SAAB SK-60 jetfly til Stord, med same pilot som tidlegare annonsert. Planen er å gjennomføra ei flyoppvising, men grunna flybyte vil det bli noko tilpassa, og utan røykeffektar. Me er uansett kjempenøgd med svenskane sine intensjonar, og ser fram til å oppleva SK-60 på Stord for fyrste gong!

Pyroteknisk innslag under Stord Airshow

Nyhende

Går alt etter planen vil dei to veteran-jagarflya MiG-15 og Vampire avslutta Stord Airshow sitt flyprogram på spektakulært vis. Oppvisinga vil, om vêr og vind spelar på lag, innehalde eit kort innslag av pyrotekniske effektar, som del av ein iscenesett luftoperasjon. Det er selskapet ProPyro som står for eksplosjonane. Dei har tidlegare samarbeida med mellom anna Kygo og Tysnesfest. Under Stord Airshow leverer dei smell og mindre eksplosjonar, medan Flyvåpenets Historiske Skvadron sine jagarfly er i lufta. Så ta hensyn til høyrsel og inntrykk, spesielt med tanke på dei yngste. Speaker vil informere om det pyrotekniske innslaget i forkant.

Oppdatering SAAB Viggen

Nyhende

Frå Sverige har me fått ei ny oppdatering om deira innslag med SAAB Viggen. Dei kjem no med ein-seters modellen AJS-37 (sjå bilete), då den kamuflasjefarga SK-37 modellen er hindra av tekniske årsaker. Så for å presisera; det blir oppvising med Viggen som planlagt. Det er derimot ikkje lenger venta at Viggen vil overfly rullebanen etter avgang når arrangementet er slutt, slik det tidlegare vart opplyst.